رواية غصب عني حبيتها - الجزء السادس و العشرين

رواية غصب عني حبيتها - الجزء السادس و العشرين

البارت السادس والعشرون
ام حمد:ساره تعالي ابيك شوي...
ساره:انزين يمه..كريمه غسلي الصحون ع مجيك..
ورحت عند امي ودخلت غرفتها وسكرت الباب..
ساره:امري يمه..
ام حمد:بقول لك شيء بس هاه..لاتقولين حق خواتك..تدرين عنهم قلبهم ع لسانهم وانا ماابي افاتحهم ولسى مصار شيء..
ساره:أي..كملي..
ام حمد:في حرمه تبي اختك حنان..
ساره بفرح:صدق..
ام حمد:أي والله بس مراح تجي احين يمكن بعد اسبوعين او ثلاث مدري والله..
ساره استغربت:ليه يمه مو احين؟؟
ام حمد:تقول ان ولدها مشتغل توه مقدم ع وظيفه..
ساره:اهاا.. ان شاء الله يتوظف وتتزوج..
ام حمد:ان شاء الله..
ساره:أي صح يمه..ليه مجات ريم..
ام حمد:والله مدري بس هي دقت واعتذرت..
ساره تنهدت:الله يسهل..
ام حمد ابتسمت:إلا وش رايك بالمفاجئه..
ساره:أي مفاجئه؟؟
ام حمد:يوم فيصل دخل في المطبخ..
ساره(وش دراها..ليكون.....):يعني انتي ألي دخلتيه..
ام حمد تحرك حواجبها:أي انا..حلوه المفاجئه صح..وش قال يوم شافك...
ساره استغربت من حركات امي:يعني وش تبينه يقول..
ام حمد:يعني مقال صايره حلوه قمر..يلا قولي..
ساره:هههه..يمه والله انك تضحكين..توقعت هالسؤال من رغد ولاحنان بس مو منك..
ام حمد ابتسمت:اعتبريني رغد..ويلا قولي..وش قال وش سوا..
ساره:قال حلوه..واشتقت لك وبس..
ام حمد بمكر:يعني محضنك ولاباسك..
ساره بحيا:يمه؟؟وش هل الكلام..
ام حمد:ههه..طالم استحيتي معناها سوا...
ساره قلب وجهي مليون لون:لاا..انا...
قاطعتني وهي يم الباب:أي معليه..عادي قولي مافيها شيء انا امك.. وطلعت..
ساره:والله امي تفاجئني بحركاتها واسئلتها..
وطلعت ورحت المطبخ..اساعد كريمه في الشغل..امي معلمتنا واحنا اصغار ع المساعده في كل شيء..ارحموا مافي الارض يرحمكم مافي السماء دائما كانت تقول لنا كذا..مسحت الفرن والطاوله وبعض من الصحون.. ورقيت فوق عشان اريح.. ولبست بجامتي..بجامه حمل..بلوزه زرقاء نصف كم..وسروال رمادي غامق..وجيت بشحن جوالي إلا شفت رساله وفتحتها..من فيصل قريتها بشووق"ودي اضمك بصدري حيل..اشتقت لك مررره؟؟لاتقولين توك شايفني انا اشتاق لك حتى لو كنتي معي يالغاليه"
ساره ابتسمت:وانا بعد حدي مشتاقه لك..بس مراح ارد عليك..بحقرك..
وبعد 10 دقايق رسل رساله.فتحتها بسررعه"ادري انك مو نايمه احين..بس ليه متردين..بس غصب عنك راح تردين"
ساره:وش بتسوي يعني..
ودق علي بس مارديت ودق مره ثانيه وثالثه ومارديت... ورسل رساله"مشتاق اسمع صوتك..ليه تبين تحرميني من سماعه..عيني متقدر تغفي..ابي اسمع صوتك"
ساره:ذه يجبرني ع اني ارد..
ورسلت له رساله"زي ماقدرت تنام قبل..من دون ماتسمع صوتي..تقدر تنام اليوم..يعني حبكت ع اليوم ذه" ************************************************** *************************
فيصل بهم:بلاش مدريتي بعد ماغبتي عني..حالتي حاله الشهور ذول كنهم دهر..إذا مكنتي معي محس بطعم الايام..مقدرت ادق عليك لان كرامتي متسمح لي..كنت اظن انك خنتيني..بس احين عرفت كل شيء.. ************************************************** **************************
ورن جوالي.."ام الغالي"
ساره استغربت:امي داقه احين غريبه.."اقصد ام فيصل" ورديت..هلايمه..
فيصل:..................
ساره:الوو..
فيصل:هلا قلبي..
ساره(يالبببه بس):انت..وش عندك داق..
فيصل:قلت لك السبب..
ساره:اخلص..ابي انام..
فيصل:إلى الان انتي زعلانه مني...
ساره:وإلى بكره..ولاابيك تكلمني ولاترسل سامع..
فيصل:سامحيني ياقلبي..مراح اعيدها..
ساره(مسموح ياقلبي انت..بس لازم اعطيك درس):انا بسكر..مع السلامه..
فيصل باندفاع:لا لاتسكرين..لسه مشبعت منك(ولا عمري راح اشبع منك)..
ساره(مصدق قال لي قلبي والغاليه..ذه فيصل لااكيد مبدل..هههه) ابتسمت وبحده:ملازم تشبع يلا مع السلامه..
وسكرت السماعه..وقفلت جوالي مره وحده..
انسدحت في السرير..وانا فكر بفيصل واضحك كني خبله..
ساره:لامصدق قال...ههه.. ودخلت رغد..
رغد:وش فيك تضحكين لحالك..الحمدلله والشكر..
ساره:ذه ولدي يقول نكت وضحكت..
رغد:لااا..اقول ناامي تراى انا تعابنه وابي انام.. وطفت النور وغفيت وانا افكر بفيصل..
مر اسبوعين وفيصل كلا يدق ويرسل رسايل بس انا مرد عليه..عقابا له..
ساره:حميد..يلا عاد..
حمد تنهد:يعني لازم تروحين..
ساره:اكيد ذه عرس خويتي..يلاا..حمودي..
حمد: ابي اعرف وش معنى انا ألي اوديك واجبيك ليه مو عبيد...
ساره:لانك غالي ع قلبي..
حمد:ياليت مكنت غالي..عشان ماتستقلني..
ساره:ههههه..يلا فديتك ودني..
حمد:انزين لاتحنين..
بسته بخده بقووه..
ساره:اموووووح..
رغد:خلاص احين خق..مالت..
حمد:والخد الثاني.. وبسته بخده الثاني..
حمد:بس خلاص..متى بتروحين..
ساره ابتسمت:الساعه تسع..
حمد:مو تتاخرين..انا محب التاخير..
ساره:ابشرر..
ورقيت فوق وحطيت مكياج مسحوب بلاك ناعم وتحت العين لمعه ذهبيه وبلاشر بلون الوردي..وغلوس باللون الاحمر المغري المميز ولبست عدسات رماديه..ومناكير بلاك وعند نهايه الظفر ستار لامع باللون الابيض..ولبست فستاني بلون الاسود عاري الذراعين ضيق وكاشف عند الصدر..وتحت الصدر مرصع بالاكسسوارات والفصوص اللامعه باللون الفضي والابيض الامع. ويوسع من تحت...وصندل بلاك..فيرت اطراف شعري وفرته على كتفي بطريقه سبشل..شكلي صاير غير مرره..مكني انا.. ورن جوالي..
ساره رديت:هلا غاده..
غاده:هلا بيك..مشغوله..
ساره:يعني..بروح العرس..
غاده:صدق أي عرس..
ساره:عرس خويتي..
غاده:انا بعد بروح مع امي العرس..
ساره باندفاع:ان شاء الله يكون نفس العرس..
غاده:هي اسم العروس مي صح؟؟
ساره بفرح:أي..
غاده:الله وناسه..تبين نمرك..
ساره:لاشكرا..اخوي بيوصلني..شكرا حبيبتي..
غاده:اجل يلا ماابي اعطلك..نلتقى في العرس..
ساره:سلام..
حنان:يلا لبسي عباتك..

رغد بحماس:ان شاء الله تقابلين فيصل..ان شافك بتخق بلوطه.. ساره:هههه..اجل جيبي سكروب عشان لخقت بلوطه اسمتهم.. رغد وحنان:هههههه...
وعطرت بعطري الفرنسي ولبست ساعتي وخاتمي الفضيه.. حنان:تدلعي وانتي تصورين سامعه..
رغد:أي..ولطلعوا جبيهم عشان نشوفوا صورك...
ساره:انزين..
ولبست عباتي وخذت شنطتي وركبت السياره..ورحت المشغل وخذت لي كم صوره..ورحت للعرس..
ودخلت العرس برزه واناقه..الكل التفت علي حسيت اني سندريلا..والكل نظره علي..حمدت ربي اني حصنت نفسي..وشفت غاده وسلمت عليها شكلها معرفتني..
غاده:من انتي؟؟
ساره ابتسمت: ياعمري..انا ساره
غاده باعجاب:تصدقين اني معرفتك..صايره غيرر
ساره:هههه يعني حلو ولا...
غاده:صايره قمرر منتبهت لك انك حامل..
ساره:وش دعوه كل هالدبه ومنتبهتي
غاده:والله مو مبين لانك لابسه اسود..
ساره:هههه
غاده:وش عندك متاخره
ساره:سوري قلبي بس رحت المشغل وخذت لي كم صوره.. غاده:اها..مكياجك حلوو مره انتي مبدعه في كل شيء..تعالي معي..
ورحت معها وسلمت ع امي ام فيصل ومعرفتني ومقلت لها اني ساره..ورحت سلمت ع مي خويتي ألي بالغرفه الداخليه لصاله..
ساره:صايره قمر مشاء الله عليك..
مي:من انتي؟؟
ساره:لهدرجه تغيرت..دققي وتعرفيني.. وتمت تطالع فيني
مي باندفاع وشوق:ميساء..هلااا..
ساره ضميتها:مبروك ياعروس..
مي:الله يبارك فيك..زين انك كشفتي..يوم قالت لي الاء انك تزوجتي وصرتي حامل مصدقت..صايره ملكه جمال..
ساره ابتسمت:بس مو زي جمالك..
مي:والله غطيتي علي..
ساره:وش دعوه..
مي باارتباك:خايفه ياميساء..حيل خايفه..
ساره مسكت كتفها:تعوذي من الشيطان وقري قران وصدقيني راح يزول الخوف والتوتر..
مي:خاايفه مرره..ذي ليله الدخله ياميساء..صار لي اسبوعين افكر..
ساره:وش دعوه...
مي:يعني تبين تقولين لي انك ماخفتي ولاتوترتي يوم دخلتك.. ساره:بلا..بس قريت قران وقل توترتي..
وقرت قران ودقايق دخلت ام فيصل..
ام فيصل:مبروك يابنتي..
مي:الله يبارك فيك ياعمه..
ام فيصل:وين امك؟؟
مي:في الصاله ؟؟
ساره غيرت صوتي:لحظه ياام فيصل بروح وياك..
ام فيصل ابتسمت:حياك.. ورحت وياها وسلمت على ام مي.. ساره بدلع:إلا وش اخبار فيصل؟؟
ام فيصل:الحمدلله زين..
ساره(إلى الان معرفتني مصدق):عرفتيني؟؟
ام فيصل:لاوالله..
ساره ابتسمت:انا ساره..
ام فيصل:من ساره؟؟
ساره:هههه..
غاده:هههه الله يصلحك يمه ذي ميساء..
ام فيصل شهقت:معرفتها والله..ولاتقول بعد تبي تلعب علي..
ساره بس راسها:توقعت تمزحين وياي..فديتك.. وجلسنا بالكرسي وقعدنا نسولف..
ام فيصل:تجهزتي..
ساره:على ايش؟؟
ام فيصل:نسيتي..مو انا قلت لك انك بتجلسين عندي.. ساره:ااي..بكره بجي بيتك ان شاء الله..
ام فيصل:لاا..اليوم بتجين..
ساره:بس..
قاطعتني:مافيه اليوم بتجين..ولا والله لحلف اني مكلمك.. ساره:لاا..اليوم يعني اليوم كلش ولا زعلك ياست الحبايب بس انا مجهزت اغراضي..
ام فيصل:بسيطه..جهزيهم لما ترجعين من البيت..
ورن جوالي..
ساره وقفت:بالاذن.."ورديت"وينك انتي؟؟
الاء:انتي وينك..مشفتك..
ساره:انتي كاشفه ولا..
الاء:أي انتي وش لابسه..
ساره:انا لابسه فستان اسود وتحت الصدر فيه اكسسوارات و..... قاطعتني:انتي ذي..لامصدق..انا شفتك بس متوقعتك انتي.. انتي وين احين...
ساره:يم الكوشه عند اليسار..
الاء:شفتك.. يلا وسكرت السماعه.. وجاتني وضمتني بقووه..
الاء بشوق:اشتقت لك مرره..
ساره:وانا كمان ياشينه..
الاء:صايرر غير مره..اول مشفتك قلت من هل الجميله حتى امي وخالتي يتكلمون عليك..ويمدحون جمالك...بسم الله عليك.. ساره:هههه يسلمون..وينها ابي اسلم عليها..
وسلمت ع ام وخاله الاء ومصدقوا اني انا..لهدرجه الحمل مغيرني.. وقعدنا نسولف شوي..ودخلت مي وزفوها.. وعلامه التوتر باينه ع وجها..وكلمت اخوي وركبت السياره ورحت لبيت ابوي..
حنان:ليه بس كذا..
رغد بحزن:يعني بتروحين خلااص..
ساره:وش فيكم..الي يشوفكم يقول خلاص مراح اشوفكم..
رغد وهي تفتح الشنطه:بتجينا مره كل اسبوع ولازي قبل كل 3شهور ولااربع وتجين..
ساره:لا كل اسبوع مره ولامرتين..بس عجلوا شوي.. حنان:ملابسك الحمل بس صح..
ساره:أي..
ومقصروا خياتي ساعدوني في تجميع ملابسي واكسسوارتي وصندالي وكل شيء..حطوه بالشنطه.. ورن جوالي..ورديت
ام فيصل:هاه..خلصتي..
ساره:أي يمه..احين بخلي اخوي يـ......
قاطعتني:لا مايحتاج..فيصل بيوصلك..هو عند الباب احين يلاطلعي..
ساره باندفاع:فيصل يم الباب...لا يمه انــــ.........
قاطعتني مره ثانيه:ترى فيصل ميحب احد يتاخر عليه..يلا طلعي.. وسكرت السماعه..
ونزل شنطتي حمد وحطها في السيارة..
حمد:عاد جيبها لنا مو زي قبل..
فيصل ابتسم:ان شاء الله..وينها هي؟؟
حمد وهو ياشر:هذه هي جايه..
فيصل التفت..وطالعني بنظرات حاده..توترت من نظراته ونزلت عيوني..
ساره بحيا عفوي:السلام عليكم..
حمد وفيصل:وعليكم السلام..
فيصل فتح لي باب السياره:تفضلي...
ساره بهمس:ماابي اجلس قدام..
فيصل باصرار:تفضلي..
وجلست غصب قدام محبيت اعارض لان كان حمد يمي..وركب فيصل السياره..
فيصل ابتسم:مصدق ان انا وانتي بلحالنا.. زاددت نبضات قلبي..خفت يسمع نبضات قلبي..
ساره:...................
فيصل مسك يدي..
استغرب:بردانه ياعمري؟؟
ساره خذت يدي وحطيتها بحضني:لاتلمسني..
فيصل مد يده وسحب يدي لعنده ودخل اصابعه باصابعي:لا بلمسك..انتي زوجتي ويحل لي.. ارتجفت من حركته..كنى اول مره يمسك يدي..حاولت اسحب يدي منه بس هو كلما يشد علي اكثر واكثر..
ساره بحده:فيصل..هد يدي..
فيصل بعناد:مافيه..
ساره بسخريه:انت احين تسوق.. يمكن يصير لنا حادث..
فيصل:ان شاء الله ميصير..
وطول الطريق ماسك يده بيدي مشالها..
ساره التفت له:مكنك تمشي ببطئ مرره..
فيصل ابتسم:في الاوان الاخيره صرت محب اسرع..

ساره مقتنعت بكلامه:حتى السلحفاء تمشي اسرع..
فيصل:هههه..بل عكس احس اني سريع مرره..
ساره:احلف..
فيصل ماسك ضحكته:صدق..شكلي بخفف من سرعتي..وش رايك..
ساره التفت له بقهر:لاوالله..قاعد تطنز ان ووجهك.. فيصل:هههههههه..
وبالموت وصلنا..نزلت من السياره وجاوا الخدم ونزلوا اغراضي..
فيصل اقترب مني ومسك يدي..
ساره التفت:تاني..
فيصل:كيفي..
ودخلت البيت الاضاءة المخفيه تعكس اضواء ساحره ع جلسه هادئه يتصدرها صالون عصري بالوان ناعمه وطاوله مربعه من الخشب والزجاج.. لفت انتباهي لاواني كريستاليه ملونه وقاروه مبتكره للزهور امام صاله الاستقبال..وتشكيل فني بديع من الاواني والتحف يمزج بين لون البني والبيج بجانب الدرج المزخرف باتقان..والتفت لجيذبني خزانه من الخشب والزجاج في داخلها مجموعه رائعه من اواني العطور الفاخره وع جانبها طاوله بنقوش مذهبه تعلوها مجموعه من التحف..
وملقيت نفسي إلا في حضن امي ام فيصل..
ام فيصل ابتسمت:هلاا فيك توا منور البيت..
ساره ابتسمت:منور بوجودك يالغاليه..
ام فيصل:فديتك..
فيصل:عن اذنكم.. وطلع..
ام فيصل جلستني وقعدت يمي:فسخي عباتك مافي حد غريب..
فسخت عباتي وجات الخدامه وعلقت عباتي..
ساره باعجاب:مشاء الله البيت مرره فخم..
ام فيصل:ذه بيتي الثاني..بس مو احسن من بيتك..
ساره(ذه مو بيتي بيت فيصل):أي..
ام فيصل:بتنامي في غرفه فيصل..
ساره استغربت:كيف؟؟
ام فيصل:متخافين مراح ينام معك.. إلى الان انتي متنسيه عليه.. ساره توهقت:هه...اي..إلى الان يمه..
ام فيصل:الله يسهل..يلا روحي فوق عشان تريحين ولا..
ساره:أي والله العرس تعبني يلا تصبحين على خير..
ام فيصل:كرسين..تعالي..
كرسين:نعم..
ام فيصل: خذي اغراضها ووديها ع غرفه فيصل..
كرسين:ان شاء الله..
وصعدت وياها الدرج..
و شد انتباهي الكونسول الرائعه من الخشب المحفور والمطلي باللون الذهبي..تزينه شمعه كبيره وانيه زهور وتحيطه ستائر التافتا.. ودخلت غرفه فيصل..قمه في الروعه غرفه كلاسيكه رائعه من الخشب المحفور المطلي باللون الذهبي مع مفروشات بيجيه رائعه يضغي عليها المفرش والكوشايات البرتقاليه لمسه لونيه ساحره...وبجانب الغرفه.. ركن للاسترخاء يضم سيزلونج من المعدن والجلد ومدفأة بتصميم عصري ولوحه واكسسوارات رائعه..وبجانبه مكتب بلون البني المحروق وصورته في اطار باللون البني الفخم وملفات مبعثره لتشكل جمال اخاذ ع سطح المكتب واللاب موضوع بطريقه اخاذه...والتوليت باللون مدموج باللون البني والبيج ومرايه المغسله مزينه بأطار الذهبي اللون وفي الركن الايمن من التوليت بانيوا قمه بالفخامه باللون البيج محفور ومقبض البانيوا ذهبي اللون..
ساره:مكنه توليت..حلووه مره حتى الواحد موده يطلع منه..
كرسين:ان شاء عجبتك..
ساره بذهول:كثيرر..مرسي..
كرسين:تبين اسائدك في ترتيب ملابسك..
ساره:بكون ممنونه لساعدتيني..
كرسين:اوكي..تيب انتا تبين شيل ملابس سيد فيصل ولا كلي.
. ساره:لا خليهم..
وجاني فضول اني اتفقد البيت واشوف الابداعات..وطلعت من الغرفه..وانتبهت لغرفه شكلها من الخارج غيرر كل الابواب..وفتحت الباب..
ساره بانذهال:واااو..بيوتفل..
الغرفه في قمه الابداع يكمن سر الابداع والجمال لدى المهندس..في تحويل المساحات الفارغه إلى لوحات جماليه رائعه متعت عيني برؤيه المكان..الغرفه تحمل عراقه وجمال ورفاهيه..البيانوا في نهايه وطرف الغرفه وسجاد مربعه صغيره وسط الغرفه مزخرف بالتدريجات البني.. ومدفائه باللون الابيض الكريمي وفوقا لمدفئه مرايه بأطار بني فاتح وبجانبه مزهريه قمه في الجمال بلون العنابي.. ولون الغرفه عنابي فاتح ونافذه كبيره تطل على الحديقه والستائر من المخمل والاورغانزا...ولفت انتباهي لرف الكتب المزخرف باتقان وارضيه الغرفه من خشب.. وامام الباب طاوله مستديره يعلوها مفرش رائع من الاورغانزا المطرز والمخمل المزين بوحدات الزهور الحريره تعلوه انيه فخاريه رائعه...ومررت يدي بالبيانو..
ساره:ثانكيوا..ثانكيوا"سويت نفسي كنا عندي جماهير"حطيت يدي على انفي وبتاثر..
ساره:ثانكيو سو ماج..ثانكيو..
وجلست بالكرسي البيانو ونقرت صبعي بالبيانو..
ابتسمت وتميت اعزف بطريقه سيئه..واخربط..
ودخل فيصل وماحسيت فيه..
فيصل نزل عيونه تحت:انتي وش تسوين هنا؟؟
ساره بارتباك:انـ............. (وي وش فيه منزل عيونه تحت خخخخ ليكون معرفني..خلني العب عليه)وبدلع:من انت؟؟
فيصل بحده:انتي مين؟؟
ساره قمت بدلع واقتربت منه:انا اول مره اشوفك هناا..
فيصل رفع نظره بحده:انتي...... (ملكه جمال..من ذي الصاروخ)
ساره اقتربت منه وبدلع:انت اكيد فيصل..كبرت وصرت حلوو..متذكرني..
فيصل:................
كملت بدلع:متذكرني..بس انا اتذكرك..امك مقالت لك اني بجي اليوم..
فيصل خق من دلعي:هه....
ساره مسكت يده(ان شاء ميكشفني بتكلم عادي مو مصري ولا سوري):تعال معي..
فيصل(تذكرني بساره..نعومه يدها لمستها):..............
ونزلت الدرج..ساره بصوت مسموع:ام فيصل..ام فيصل..وينك..
وشفتها جالسه بالصاله..وغمزت لها..
ساره بدلع:ام فيصل..فيصل يقول مايذكرني..
ام فيصل شهقت:احد ميعرف الجمال كله..تعالي اجلسي يمي.."وجلست يمها بدلع"فديت الحلوه ذي..اخبار زوجك ياقلبي..
ساره بنعومه:زين..
ام فيصل حطت يدها ع بطني:واخبار البيبي..
فيصل:................
ساره:يبي ياكل جوعان مره..
ام فيصل:يخسي الجوع..فيصل ودها للمطبخ هي مدل المطبخ..
قمت بنعومه..
ولحقته للمطبخ..
فيصل بدون اهتمام:كلي ألي تبينه..
وجاء بيطلع بس انا مسكت يده والتفت لي
ساره:على وين؟؟
فيصل:نعم!!!
ساره اقتربت منه وبهمس:ابي احضنك..
فيصل بق عينه:اكيد انتي استخفيتي..
ساره(ههههه..والله شكله يضحك..مو معقوله أن إلى الان..معرفني)بهمس:استخفيت من جمالك..ابي احضنك...متخاف مراح اعلم زوجتك انك حضنتني..
فيصل بحده:احترمي غيبه زوجك..
قاطعته واقتربت منه اكثر:يعني ماتبي تحضني..
فيصل رفع حواجبه:ليه انا قلت لك اني ابي احضنك..
ساره ابتعدت عنه:براحتك"ويم الباب"بس لاتقول لي انك تبي تحضني..واياني وياك تقول لي ابي احضنك ومدري وش...انا قلت لك..
وطلعت ورحت عند امي ام فيصل
ساره بهمس:لرحت عند غرفتي قولي له..اني زعلانه منه..اوكي..
ام فيصل:ان شاء الله"وبصوت عالي"فيصل..فيصل..تعال..
وصعدت الدرج..
فيصل معطاني وجه:نعم يمه..
ام فيصل:عرفتها ولا..
فيصل:................
كملت:ذي زوجتك ساره..
فيصل منصدم:ذي ساره!!!
ام فيصل:أي..وتقول انها زعلانه منك ولاتبي تكلمك..
فيصل بجديه:يمه تتكلمين من جد..
ام فيصل:أي والله..سوتها فيني وفيك واختك..سوت المقلب فينا كلنا انا في البدايه معرفتها لين هي قالت لي انها زوجتك.. فيصل(انا حسيت انها هي...صايره صاروخ والله):............... وصعد الدرج..وطق الباب..
فيصل:ساره..ساره..فتحي الباب..
ساره يم الباب:مافيه..
فيصل:ساره..فتحي الباب بليز..
ساره:وانا قلت مافيه..
فيصل بترجي:يلا فتحي..
ساره بعناد:وانا قلت مافيه..انت ماتسمع...
فيصل:امي تبيك...
ساره:قص على وحده ثانيه..
فيصل:صدق هي تبيك..
ساره:.............
كمل:بقول لها انك متبين تجينها.,
ساره:عادي..
ومسمعت صوته وخذت العطر وعطرت..
ساره:يحسب ان الخدعه بتنطلي علي..هاهاهاي.."ضحكه الشر"<<خخخخخخ
ودقايق إلا جوالي رن.. "ام الغالي"
ساره رديت:الوو..
ام فيصل:ليه منزلتي انا قلت لفيصل اني ابيك..
ساره(يعني صدق..وي وش اقول لها):يمه انا...
قاطعتني:يلا نزلي انا انتظرك..
ساره:انزين.
وسكرت السماعه..
ساره:اخاف زعلت وش اقول لها احين..
خذت نفس عميق وفتحت الباب.. واقتربت من الدرج..إلا اشوف فيصل وبيده تفاحه خضراء ومتكي على الجدار..
فيصل ابتسم:ياويلك منها..عندها عصى في يدها..
ساره بخوف:صدق..
فيصل(هههههه):أي"وقضم قضمه من التفاح"وهو ياشر على تحت يعني نزلي"
ساره بتوتر:ياربي..
ونزلت تحت فيصل كاتم ضحكته ونزل وراي..
اقتربت من الصاله..جيت برجع بس فيصل مسكني..
فيصل:ع وين؟؟
ساره بخوف وتوتر:ماابي اروح..والله خايفه..