رواية غصب عني حبيتها - الجزء الثامن عشر

رواية غصب عني حبيتها - الجزء الثامن عشر 

البارت الثامن عشر...
ومزال يطالع فيني...وبنظرات حاده..واقترب مني خفت من قربه لي...
سارة بخوف واضح علي:انت ليه تقرب...تقرب مني...
وانا ابتعد وهو يقترب مني اكثر لين ماوصلت عند الجدار...
سارة:ممكن..."ارتعبت يوم رفع يده وحطها بالجدار"
فيصل بنظرات حاده:لامو ممكن..."وهو يرفع حواجبه"وبعدين بكيفي اوخر ولا...
سارة ارتجف:لاا....مو..موو..ع..على كيـ..كيفك...
فيصل ابتسم:بردانه..
سارة وانا اضم يديني على بعض:مالك...شغل بردانه ولاحرانه..
اقترب مني وحضني في صدره..انتفض جسمي اكثر
سارة بعدته عني وبرعشه:مايحتاج...أ..أنا بدفي نفسي بنفسي.... ورحــت رقيت الدرج..
فيصل بأندفاع:من ذه حمودي؟؟
سارة ألتفت له:قلت لك ذه اخوي حمد...
فيصل:...................
كملت:شكلك منت مصدقني بروح اجيب لك جوالي وانت تدق عليه اوكي..
فيصل:لاتتأخرين..
انقهرت منه توقعت راح يقول لامايحتاج...الثقه معدومه..
ورحت جبت جوالي من الغرفة ولبست شيء يغطني..ونزلت تحت
سارة امد يدي وبثقه:تفضل..
فيصل:ياشين الثقة بس..
مارديت عليه وعطيته ظهري..ورقيت فوق من دون ماألتفت... رحت غيرت قميصي النوم..ولبست بجاماتي النوم..وانسدحت فوق الاريكه ونمت بسرعة من التعب...
فيصل وهو يفتش في الجوال(أي والله...مكذبت هذا اخوها حمد... وأنا مالي اخوها ولا عشيقها..)

حددوا ملكه وزواج وداد مع منصور وريم مع بندر بعد سبوعين بس..وقربت الاختبارات اختبارات البنات..
بيت فهد وغادة..
فهد وهو ماسك جواله:يووه وش فيها ذي..ادق عليها ماترد..ارسل رساله ماترسل...ابي اعرف وينها"وهو يفكر"شكلها بيت امها وين بتروح يعني... أي اكييد...

وفي المقهى....
جاسم:لا ياماجد ماراح اتركها مستحيل اصلن...
ماجد تنهد:أن لله وانا إليه راجعون..انت انهبلت...انهبلت..
جاسم:أي انهبلت..انهبلت بحبها ياماجد..اقول لك احبهاااا..تقول لي اتركها وخلها في حالها..
ماجد:البنت خلااص تزوجت..متى بتفهم..
جاسم:حتى ولو..بنتظرها لين ماتطلق..
ماجد:وكيف تطلق ياذكي..وبعدين لاتفاوال على بنت عمك..
جاسم(بعدين بتعرف مو احين..ياولد العمه):والله مدري بس قلبي يقول لي انها راح تطلق وتشوف...
ماجد:ادين قلب..حتى لو تطلقت مراح تأخذك..
جاسم بغرور:وليه ان شاء الله..
ماجد بثقه:لانك ماتشتغل بل الاساس..
جاسم بثقه اكبر:افا..عليك بس..أنا مقدم على شغله..وإن شاء الله يقبلوني..أنا خلاص عزمت اخذها..
ماجد خلاص زهق من كثر مايقنع جاسم وخله يحلم..
ماجد:سو ألي يريحك..
جاسم(اكييد..والله ان ماخليتك يافيصل تطلق سارة مكوون أنا جاسم)....
بيت فيصل وسارة..
صحيت الصبح على منبه جوالي.. الساعة6:00..ونزلت وعملت الفطور..
سارة بملل:يووه لازم يفطر يعني..يفطر مع ربعه في الدوام..قال شو قال بدوا فطور فرنسي..امحق.. وشلت صحون امس من الطاولة.. وبعد7 دقايق نزل فيصل..
سارة(الله ريحته حلووه)التفت له:في الوقت المناسب..
فيصل مستغرب:أنتي سويتي ذه؟؟؟روحتك لفرنسي علمتك..
سارة ابتسمت:أي...ستيفن هو ألي عملني..
فيصل بغيظ:اشتقتي له..
سارة"والله ان اخليك تناغظ يافيصل":مررة والله وله وحشه..
فيصل(بتذبحني ذي)وهو ياخذ الشوكة وبسخرية:بس هو الي اشتقتي له..واجد تشتاقين..اقصد..امثال صالح ومشعل وجاسم"وهو يفكر"امممم.. والله واجد نسيتهم..
سارة حبيت اقهره:تصدق هم بعد وحشوني مررة..وخصوصا جاسم..
فيصل وهو يتمالك نفسه:...........
كملت:اشتقت لذاك اليوم يوم يضمني بصدره..وش فيك ماذكرت اليوم..ذاك اليوم ألي رحنا فيه المزرعة مشان....
قاطعني وهو يصر بأسنانه ويمسكني من يدي بقوة:صدق انك وقحة وسخيفة بعد..
سارة بألم:ااي..وخر عني..
فيصل وهو يشد زيادة:ان مخليتك تطلبين الشهادة مكون فيصل..بس الوعد مو احين..الوعد لما ارجع..ياقليله الحيا..
ودفني بقووة وطلع...
سارو وانا اتحسس يدي:ااي..يعورني..شكل يدي بتنخلع..
غادة وهي تطل وبهمس:راح..
سارة انتفضت:بسم الله الرحمن الرحيم..انتي من متى هنا..
غادة:توني جايه..يوم سمعت فيصل يحرك سيارته..
سارة:انا مقلت لك ان انا راح اناديك..
غادة وهي تجلس:وش اسوي جوعاانه مررة..واااو وش ذه الفطور..فرنسي ما..
سارة ابتسمت وجلست على الكرسي:أي..
غادة وهي تاكل:كل ذه عشان فيصل..
سارة:هو ألي يبي فطور فرنسي..وش اسوي بعد..
غادة:اقول ميساء..امس وش صار..اقصد اسمع صرااخ..هاه...
سارة توهقت:هه..اي مصار شيء..ليه؟؟
غادة ابتسمت بمكر:لاا..انتي تدرين وش صار امس؟؟قولي مراح اعلم احد..يلا عاد..
سارة استحيت من تعليقاتها وتلميحاتها:اقول ست غادة..اكلي احسن لك..يلا وبلا كلام زايد..
غادة:أي غيري الموضوع....
سارة وانا اخذ صحن فيصل واكل منه:لا اغيره ولاشيء...
غادة:تحبين فيصل ولا؟؟
شرقت وغادة تمد لي ماي وطقت على ظهري...
غادة:بسم الله عليك..وش فيك؟؟
سارة:لا ولاشيء...
غادة:يعني انتي متحبين اخوي فيصل؟؟
سارة توهقت:لا من قال لك..أنا احبه كثيررر....
غادة تصفر:يـــاعيني...استني بقول لفيصل..
سارة بأندفاع:لااا...لاتقولين له تكفين..
غادة بمكر:ليه؟؟

سارة(مدري وش اقول لها احين..ياربي)بتوتر:أي..لاني قلت له... هو يدري اني احبه اصلن...فما يحتاج تقولين له...
غادة:لاا...قصي علي...
سارة(لاحول..كييف اقول لها ذي..خلني اغير الموضوع احسن لي):إلا غادة... كلمتي فهد ولا..تدرين انتي..احين بيخاف عليك..و..وإلى مااخره..
غادة بهم:أي..ياسارة قلت له اني عند خويتي..رسل لي رساله وقال لي ادري انك فبيت امك..يعني وين بتروحين..
سارة:طيب انتي قلتي له انك مو عند امك..بل عندي..
غادة:لاا ماقلت له..هو يتصل بس انا مرد عليه..
وسكتنا شوي وبعدين تكلمنا..
سارة:مدري ليه طرت على بالي حصة..مع اني مااعرفها ولامرة شفتها..حبيت اعرف منك هي تقرب لكم ولا...
غادة:حصة طليقه اخوي؟؟
سارة:أي..
غادة:تقرب لنا بس من بعيد حيل..
سارة:اهاا..طيب إلى الان انتي متعرفين ليه طلقها فيصل؟؟ غادة:أنــا سمعت من الناس ان هي دخلت رجال غريب في البيت...
ســــارة منصدمة:من صدقك؟؟
غادة بجديه:أي والله..أنا قلت لامي قالت لي هي ماتدري يمكن إيشاعة..بس انا احسها مو اشاعه صدقيني..وخلاص مقمنا نجيب طاريها..
سارة:اها هي تزوركم احين ولا..
غادة:أي تزورنا..
سارة بققت عيوني:كييف؟؟يعني حصة..
قاطعتني:أي تجينا كل جمعة او أي يوم في الاسبوع..
سارة:وفيصل يقابلها ولا..
غادة:اكييد يقابلها..لانها اصلن ماتتغطى عنه...
سارة استغربت:ماتتغطى عنه..مافهمت؟؟
غادة:اصلن حصة من كانت صغيرة ماتتغطى عنه..إلين ماكبرت..
سارة:نبوا السالفه لعبه..
غادة:والله اني مكذبت عليك..هي كانت حب فيصل الاول..
مدري وش حسيت من قالت لي حبيبه فيصل الاولى..حطوا مكانكم في مكاني..
سارة بغيرة واضحة:وفيصل إلى الان يحبها ولا؟؟
غادة:......................
سارة بقهر:يعني يحبها إلى الان...
غادة:والله مدري وش اقول لك يامرت اخوي..اخاف لقلت لك تزعلين ولا....
قاطعتها:لامتخافين قولي..يلا.
غادة:انا احس انه يكن لها بعض المشاعر..ويوم قرر انه يتزوجك حسيت انه يطالع فيها وهي تطالع فيه بنظرات غيرة...ولاحظت بينهم كلام ذيك المرة في المزرعة..مزرعة فيصل..المهم شفتهم مع بعض يسالفون بس مقلت لحد غيرك حتى امي ماتدري لانها لو درت كان صار علوم..
سارةمو مستوعبه ألي تقوله:سؤال اخير..انتي متأكده انه طلقها بثلاث؟؟
غادة تحرك كتفها.يعني مدري..
سارة بعصبيه:كييف ماتدرين ياغادة..كييف؟؟
غادة باندفاع:والله مدري ياسارة..ألي اعرفه ان هو قال لامي انه طلقها بثلاث..
سارة(متوقع..أكييد قال لامه كذا بس عشان يسكتها..يمكن طلقها مرة او مرتين..)وانا قايمه:الحمدلله..
غادة:خلصتي..انتي مااكلتي إلا كم لقمه بس..
سارة ابتسمت بتصنع:بس خلصت..
غادة:اها..عشان كذا انتي ضعفتي..
سارة بدون نفس:هههه...لاوش دعوه انا كلا اكل..يلا عن اذنك..بروح اجلي..
غادة:اساعدك..
سارة:والله ماتجين انا احب الغسيل اصلن..انتي كملي فطورك..ومتى مخلصتي روحي الحديقة تشمسي...
غادة:هههه حلوة اتشمس ذي..اوكي..
ورحت المطبخ..ورحت في نوبه بكى..بكى على حظي..
سارة بصوت باكي وبهمس:ليه يافيصل؟؟ليه؟؟ تزوجتني كل ذه عشان تقهرني وبس..ليه جبرتني اتزوجك؟؟ ليه بس؟؟ ليه خليتني احبك..وامووت فيك..اهئ اهئ..ليه بس..اهئ..
خفت تجي غادة ورحت جليت الصحون كلهم ونظفت غرفة الطعام والصالة..وبعد مخلصت الشغل رحت خذت دش سريع لان شغلي مخلص كله..
لبست بلوزه بلون الفستقي وبنطلون باللون الزيتي المدموج باللون البني مع قلادة بنيه طويله..
وسيحت شعري ولبست صندل بني..وماحطيت مكياج بس غلوس بلون الزهر

ورتبت غرفتي..
سارة جلست بالكرسي:آآآه..ظهري يعورني..كني من زمان ماجلست..آآه وقعدت افكر بكلام غادة..
سارة(افكار تدور براسي..آآه..وش يسوي فيصل مع حصة في المزرعة بل حالهم..مع انه طلقها إلا ان يكلمها وش السالفه..وش دخلني فيه طلقها ماطلقها..انا وش يخصني..كيفهم.. انا لازم انساك يافيصل...لازم)وقطع تفكيري صوت جوالي..
سارة بنعومه:هلا يمه..أخبارك؟؟
ام فيصل:زينه الله يسعدك..انتي اخبارك واخبار اهلك..
سارة(والله مدري عنهم..اما عن اخباري فالله ادرا فيها):الحمدلله..
ام فيصل:وش كنت بقول لك.."وهو تفكر"اعوذ بالله...اي تذكرت..قولي لفيصل يوم الجمعة يجي المزرعة انتي وياه..انا دقيت عليه بس محد يرد شكله في اجتماع..
سارة:ابشري يمه..
ام فيصل:يبشرك ربك بالجنه..
سارة:وياك يارب..يوصل ان شاء الله..
ام فيصل:اسلمتي..يلا مع السلامه..
سارة:الله يسلمك..
سارة(اصلن مراح ينسى..لان حبيبته حصة بتجي كالعادة).. ونزلت تحت في الحديقة شفت غادة تشرب عصير..ابتسمت سارة:اخذ...والله منتي سهله..
غادة ابتسمت:احب اعلمك... بيتك كبير ولا مستغلته زين..قلت استغله انا احسن..
سارة:ههههه..خذي راحتك فديتك..
غادة وهي تنزل النظارة على عيونه:وش هل الجمال هذا...أنتي قمرر مررة..
سارة ابتسمت:بدينا احين..
غادة:ههههه..والله انتي جميلة..انتي احلى من حصة..
سارة بفرح:صدق..
غادة:أي والله بكثيررر بعد..هي سمراء وملينه بنسبه لك..وشعرها قصير لين كتفها..وشعرها باللون الاشقر..ويليته حلو عليها..يعععع يلوع الكبد سمرها بزيااده..مدري وش شايف فيها فيصل..
سارة:الله يسلمك..كلك نظر فديتك...
غادة وهي تستنشق الهواء:الجو هنا حلو مرره..مدخلنا في البرد حيل..اتوقع مراح يجي بررد مرة وتشوفين..
سارة:أي معك حق من قبل ايام كان الجو شوي بارد..
غادة:أي..بس احين حلو لتشميس..."وهو تمد لي عصير برتقال"
سارة:ثانكيو..
غادة:يوار ولكم..
في الشركة..
محمد:هذا الملفات إلي طلبتها..
فيصل ابتسم:شكرا..
السكرتيرة نور:استاز فيصل المدام بيدا ياك..

فيصل:اوكي..حوليها لي..
السكرتيرة:ان شاء الله..
فيصل وهو يرد على التلفون:هلا هلابقلبي وعمري حصة...
محمد:؟؟؟؟؟؟
حصة بدلع:فديتك..ليه ماقمت تجيني قلبي والله اشتقت لك..
محمد:عن اذنك..وطلع..
فيصل:ياعمري عمرك..حتى انا اشتقت لك حيلل بس وش اسوي لازم شهر العسل يطول..
حصة بغيرة:هي حلووة ولا..
فيصل(قمررر..):لا شينه..
حصة فرحانه:يعني انا احلى منها..قلبي.
فيصل(لا طبعا انتي تصيرين نقطه بالشمال):بكثيرر..
حصة بدلع:بتجي اليوم تتغدا عندي ولا..
فيصل:ياقلبي مقدر انتي تدرين..أنا ماابي تشك سارة..
حصة:اسمها سارة..عشتوا..
فيصل:ههههه..تغارين علي..
حصة:اموووت من الغيرة..كيف ماتبيني اغار عليك...
فيصل:فديتك..
حصة:حبيبي..متى راح تقول لامك..
فيصل:عن شوو؟؟
حصة:وش فيك قلبي..عنا..
فيصل:لا لسه...أنتي صبري شوي بس..
حصة:اوك فديتك..مو تنسى..
فيصل:لاا وش دعوه انتي في بالي طول الوقت...
حصة:احبك مووووووت..
فيصل:هههههه ياروح فيصل انتي..
حصة:يلا اخليك احين..موعدنا في المزرعة..
فيصل:اوكي ياقلبي...
فهد مدرعم فتح الباب بسرعة:هلاااا..
فيصل:يلا قلبي اكلمك بعدين..وسكر
فهد يحرك حاجبه وبمكر:من ذي يالملعون..
فيصل:ههههه انت وش جيبك احين..ولابعد داخل من دون احم ولاتستور..
فهد:لاتغير الموضوع من ذي؟؟حصة ولاسارة..
فيصل:وانت وش دخلك..
فهد:بس من قلت كذا معناتها حصة..وش تبي فيها يافيصل اتركها طالما هي كذا..
فيصل"ليتها جات على الخيانه وبس ذي ناويه على شيء ثاني ست حصه":.........
فهد:وساره تدري انك ماطلقت حصه...
فيصل:حتى لو درت وش بتسوي بعد..
بيت ابوجمعان..
عند الساعة11:00
ام جمعان في التلفون:اليوم يعني..
ام حمد:أي..اتوقع بكره بنتي ريم..
ام جمعان:الله يسهل"تتنهد"الكل بيتزوج إلا بناتي..يقلون مايبون يتزوجون يااختي..
ام حمد:ليه في حد جاهم؟؟
ام جمعان:لاا..
ام حمد:اجل لاتتكلمين..لين مايجي حد يطق بابهم..وانتي وش دراك يمكن يوافقون لجى حد..
ام جمعان بهم:ماهقيت راح يجي حد..مو اتشائم..بس خليها على ربك..
ام حمد:وش السالفه يامنيرة..
ام جمعان بنفس همها:جات حرمه من كم يوم وشكلها جايه تشوف بناتي...عشان تخطب وحده منهم لولدها..بس من شافتهم غيرت رايها..
ام حمد:الله يكون بالعون..انتي يامنيرة حاولي فيهم..يعني خليهم يتكشخون..يسرحون شعورهم..ولايعلون صوتهم..لان يامنيرة صوت عيالك عالي مررة وخشن في الكلام والاسلوب..الحمدلله..
ام جمعان:حاولت فيهم..بس هم ماينفلون..
ام حمد:تصدقين حتى حنان بنتي ضعفت مشاء الله عليها..مقامت تاكل زي قبل..
ام جمعان:مشاء الله..المتن مافيه خير لاهله..
ام حمد:وانتي الصادقة..أنا حسيت انها تبي تضعف من تزوجت سارة وريم في الطريق ان شاء الله..
ام جمعان:اها..اكييد حست بنفسها..لانها متبي تعنس..
ام حمد:أي والله..يلا منيرة انا بسوي الغداء..اكلمك بعدين..
ام جمعان:يلا مع السلامه..
ام جمعان وهي تنادي من عند الدرج:سارة ياسارة..
ساره وصوتها كله نوم:هه..
ام جمعان:وهواه..لما اناديك قولي نعم مو هاه..
سارة:بغيتي شيء؟؟
ام جمعان:طالما انتي غايبه وماتذاكرين تعالي اعلمك كيف تطبخين؟؟؟
سارة بستغراب:وليه يمه؟؟في حد قال لك انا ابي اتعلم الطبخ..
ام جمعان:لامحد قال..بس انا قلت تتعلمين كم شغله تستفدين منها بعدين..احسن من جلوسك كذا..
سارة:يووه يمه..بعدين بعدين..
ام جمعان:مالت عليك..ملازم تتعلمين بس ساعديني..
سارة وهي ترقى الدرج:انزين.دقايق وجايه لك..
ام جمعان تتحلطم:ادري انك رايحه ومانتي راده زي كل يوم..الله يعني عليك بس..
بيت ام فيصل..
فهد:هلابيك عمتي..اخبارك؟؟
ام فيصل ابتسمت:الحمدلله زينه"وهي تمد يدها"حياك..تفضل..
فهد وهو يجلس:الله يحيك ويبقيك..عسى ماعطلتك عن الطبخ..
ام فيصل:لاابد ياولدي..طمني عن اهلك عساهم زيون..
فهد:الحمدلله..إلا وين غادة؟؟
ام فيصل مستغربه:غادة!!!
فهد ابتسم:اقول عمتي وينها؟؟في غرفتها ولافي المطبخ؟؟
ام فيصل مو فاهمه شيء:ليه هي مو عندك؟؟
فهد بجديه:يعني هي مو عندك..
ام فيصل:لا والله..
فهد:تمزحين معي عمتي...
ام فيصل بجديه:والله انها مو معي...
فهد بخوف:اجل وين راحت.
ام فيصل بتوتر:وش السالفه؟؟
فهد:عمتي عطيني جوالك..
ام فيصل:وش السالفه يافهد..
فهد:عطيني جوالك وتعرفين السالفه...
بيت سارة وفيصل..
في المطبخ........
غادة:وش بتسوين اليوم..
سارة:مدري..بكلم فيصل..
غادة:لاملازم طبخي اليوم عشاني موع شانه...
سارة(والله ان يتغدا فيني ان ماقلت له..بس انا ابي اغيظ..)ابتسمت:ابشري..وش تبين على الغداء..
غادة"وهي تفكر":اممممم..ابي معكرونه بالباشميل وكبسه وشوربه فطر والحلى ابي حلى من عندك..
سارة:هههههه كبسه مع الباشميل ابشري طال عمرك...
غادة ابتسمت:اسلمتي..

وسكتنا شوي..

غادة:أنا احبك اكثر من حصة..

سارة بان الاهتمام علي:ليه وش فيها هي؟؟

غادة:هي مغرور وفوق كل ذه متعرف تطبخ وعمرها كبير علي..يعني مافيه تقارب..

سارة:ليه هي كم عمرها؟؟

غادة"وهي تفكر":اممم تقدرين تقولين احين هي عمرها...29 ولا30

سارة شهقت:29 سنه...من صدقك..

غادة:أي والله..

سارة:هي كم سنه متزوجه من فيصل..

غادة:امممم..يمكن سنتين ولا3 سنوات..

سارة:ومجابت عيال..

غادة:تقول انها متبي تخرب جسمها...

سارة:امحق بس..طيب وفيصل وش رده..

غادة:حاول فيها بس هي ماتبي..احس انه مطاوعها..ولا ليه مايعطيها كف مع وجها يرن اذونها..لو هو ماعطيها كف كان مشت سيده من زمان...

سارة(انا كل يوم كفوف ضرب وهي ولا شيء باين عليه يحبها من قلبه):أي..باين عليه يحبها مررة..

غادة باندفاع:مرررة.."حست بنفسها"سارة انتي متغارين؟؟

سارة(والله امووت واتقطع مليون قطعه)بدون اهتمام:لا ولاشيء...

غادة استغربت:اجل كيف تحبينه..

سارة بقهر:ومن قال اني احبه..أنا اصلن عادي..

غادة استغربت اكثر:انتي ألي قلتي لي..اليوم مدري امس..

سارة:أي قلتها كذا بس..ولا انا محبه ولااهتم فيه..(والله احبه واعشقه..وامووت في هواه)..

ورن جوال غادة..غادة"وهي تشوف الرقم":وي ذي امي وش عندها داقه احين..اكيد بتقول ان فهد عندها ولا سأل عني..

سارة:ردي شوفي وش فيها..

غادة بهمس:هلايمه..

فهد بحزن:غادة..

غادة منصدمه:فهد...

فهد بهم:غادة مدري وش اقول لك..

غادة:.............

فهد:امك في المستشفى احين..

غادة بخووف:كييف؟؟من متى؟؟

فهد:من امس..مدريت إلا اليوم...حالتها صعبه..

غادة بتوتر:باي مستشفى هي..

فهد:انتي وينك احين انا بروح لها احين..

غادة باندفاع:انا ببيت اخوي فيصل..عند سارة..

فهد معصب:وش تسوين عندها انا مقلت لك لاتروحين لها..

غادة:مو وقته احين..يلا انا بلبس عباتي..

فهد:بمرك عند الساعة1:00..

غادة:ليه؟؟

فهد يرقع لها:لان احين ممنوع وقت الزياره..

غادة:اها..

فهد:يلا مع السلامه..


سارة:وش فيك ياغادة؟؟

غادة بحزن:امي في المستشفى..

سارة بخوف:امي وش فيها..

غادة:مدري مقال لي فهد..قال بيمر علي الساعة1 لان ممنوع الزياره احين

سارة بخوف:بسم الله عليها من المرض..لهدرجه حالتها مو زينه...

غادة:والله مدري فهد يقول كذا..اكيد ضغطها ارتفع كالعاده انتي لاتخافين راح تصير تمام..

مقتنعت بكلام غادة..وطلعت من المطبخ ودقيت على امي"ام فيصل".. سارةبخوف:هلااا يمه..

ام فيصل:هلابيك..

ام فيصل:ههههه..الله يقطع بليس فهد..

سارة مو فاهمه شيء:..................

ام فيصل:متخافين يابنتي علي..بس فهد خاف على غادة ويبي يعرف وينها عشان كذا حطها فيني..والله كبرتي فعيني يوم دقيتي علي..

سارة:انتي غاليه يمه..

ام فيصل:فديتك..والله مافي منك من البنات..

سارة:اسلمتي يمه..يلا اخليك يمه احين..

ام فيصل:على وين يمه؟؟

سارة:على المطبخ..اخاف يجي فيصل وميلاقي الغداء جاهز..والله ان يغسل شراعي..

ام فيصل:هههه يلا بحفظ الله..

وسكرت منها..

غادة:سارة كيف تبين اقطع البصل مربعات..

قاطعتها وانا اخذ السكين:لاا..انتي جلسي ارتاحي..انتي ضيفتنا..

غادة:اقول بس يلا بلا دلع يعني الغداء كله تسوينه انتي..

سارة:أي وش فيها متعوده..ورن جوالي..

طلعت براء المطبخ..سارة:نعم..

فيصل بعصبيه:نعامه ترفسك..وليه شاغله الجوال..من كنتي تكلمين..واحد من عشاقك..

سارة بدون نفس:اكلمهم مااكلمهم..انت مالك شغل..

فيصل:والله وطلع لك صوت ياقليله الادب..لكن مقيوله..

سارة:اخلص وش تبي؟؟

فيصل:لما اجي البيت اعلمك كيف تتكلمين معاي..

سارة"خفت من تهديده لي..بس سويت حالي كنا الموضوع مايهمني":ليه داق..

فيصل:بيجي فهد عملي حسابه..

ساره:في أي اوامر اخرى..

فيصل بحده:لا..

وسكرت السماعة على طول..

فيصل:بعدتسكر السماعة في وجهي..حصة عمرها ماسوتها..تجين انتي تسوينها..ان ماعلمتك دروبك مااكون فيصل..بس اخلص شغلي واجيك ياسارة..هين.

فيصل(في نفسة ليه انت تعاملها كذا..حصة من تزوجتها ولاعمرك رفعت يدك عليها حتى يوم دريت انها دخلت رجال غريب داخل البيت..ويوم انها سرقت ملفات..أنا مستحيل اكون احبها ولاشوي..أنا اصلن مااحبه هذه الاشكال...)<<<يحاول يقنع نفسه مرة ثانيه انه مايحبها..

سارة(أي انا لازم اعاملك كذا يافيصل..على ألي سويته فيني)ورحت عملت غداء وحسبت فهد بعد..

وعند الساعة1:00 بضبط خلصت غداي وكبيت لشخصين بس.. غادة:واااو لذيذ مرررة..

سارة:ههههه ليه انتي ذقتيه؟؟

غادة:لابس العين تاكل قبل التم..مشاء الله عليك طريقتك في التقديم حلوة ونظيفة.."وهي تشوف الطاولة"ليه طبقين بس؟؟

سارة ابتسمت:اسلمتي..اي عشان فيصل وفهد ياكلون في غرفة الطعام وانا وانتي داخل..ويلا دقي على فهد عشان يجي...

غادة ابتسمت:اوكي...

ووزعت الاطباق في الطاولة..وسمعت صوت السيارة براء..ورحت اشيك نفسي في المرايه وعطرت بعطري الفرنسي..ووقفت يم الباب استقبل فيصل..كل العاده..

فيصل وهو يفتح الباب(سبحان من صورها..جميلة مررة..)بحده:انتي دخلي داخل فهد بيدخل..ان ماسويتي شيء يسر بذبحك..

ســارة ابـتــسمــت:تفضل انت مع ضيفك..وان شاء الله يعجبك الغداء..
فيصل(بتذبحني ابتسامتها ورقتها..وهدوءها مكنها سارة ألي توني مكلمها مساع)وبزمره:اخلصي بلا فلسفه ودخلي داخل..
سارة ابتسمت بسمه ضاع فيصل فيها:ابشر..
ودخلت المطبخ مع غادة..
فهد بدهشه:مشاء الله..البيت يلمع من النظافة والريحة حلووة..مو قلت لي ان الخدم كلهم عطيتهم اجازة ولا..
فيصل:أي..
فهد مستغرب:مصدق انها هي ألي رتبت البيت ذه كله..
فيصل ابتسم:حياك يافهد البيت بيتك..
فهد:الله يحيك..زوجتك نظيفة مررة
فيصل:................
فهد:كيف خليت زوجتك تمشي سيده كذا..علمني..
فيصل:عط زوجتك عين الحمراء..مو كل مازعلت طلعت من البيت امحق..زيك
فهد:ههههه وانت الصادق.."وهو يطالع الطاولة"تبارك الرحمن..زوجتك كنز يافيصل..
فيصل(أي والله مكذبت يوم قالت بشوف ألي يسرني):حياك..
فهد يجلس بالكرسي:تصدق ان غادة عمرها ماسوت كذا..مشاء الله زوجتك عندها شغل عدل.."وهو ياكل"اممم..لها نفس حلو في الطبخ..
فيصل فرح بلا شعور يوم مدحني:بالعافيه يابو بطن..
وفي المطبخ....
غادة وبهمس:تصدقين ان فيصل جاب فهد معه.من دون مااكلمه..
سارة:ادري..
غادة وهي تاكل:كيف دريتي يافالحة..
سارة:جاني إلهام<<<<شوفوا الصواريخ..
غادة:يمي الحلى والشوربه شي صراحه..
سارة:بالعافيه..يعني هذا ألي عجبك بس..
غادة:لا..بس لاني ذقت الحلى والشوربة قبل..يابخت فيصل بيك..
سارة:تصدقين..احس اني من زمان مااكلت حدي جوعانه..
غادة:بالعافيه ياقلبي..
سارة ابتسمت:الله يعافيك..
وبعد دقايق..دخل فيصل علينا..
فيصل:يلا ياغادة روحي مع فهد...
سارة:توا الناس..خليها تخلص اكلها قبل..
فيصل بجفاء:وانتي لاتاكلين واجد..محب زوجتي تكون سمينه "وهو ياشر على غادة"يلا غادة زوجك ينتظرك..
انقهرت يوم قال لي كذا ونفس الوقت شعرت بالاحراج وطقيت الشوكه في الصحن بقووه وطلعت من المطبخ..
غادة بهمس:حرام عليك يافيصل..ترى هي مافطرت عدل ولاتغدت زين..توها ذي اللقمه الثانيه..
فيصل:اقوول يلااا طلعي..
غادة:تطردني يااخوي..
فيصل ابتسم:لا يابعد قلبي..بس زوجك مستعجل الله يصلحه..
غادة بابتسامه:فديته يلا سلاام..
ورحت فوق للغرفة وقفلت الباب..
سارة وانا امسك بطني:يارربي جوعانه مررة من امس مكلت عدل..
وفيصل يدق الباب بقووة وبعصبيه:سارة..سارة وطير افتحي الباب..يلااا"ويزيد في الضرب"
خفت يكسر الباب..
سارة:انزين بفتح..
وفتحت الباب ومحسيت بنفسي إلا وانا بالارض من قوه الكف...
فيصل والشرار يطلع من عيونه:انا لم اكلمك في التلفون ماتسكرين السماعة في وجهي."وهو يرفعني من الارض"سامعه ياكلبه..حصة إلي هي حصة ماسوتها معاي تجين انتي تسكرين السماعة في وجهي..
سارة بالم:ااي وخر عني..
فيصل وهو يشد على يدي:ولك صوت بعد ياقليله الادب..صدق انك ماتربيتي عدل..
سارة والدموع تملى عيني:احترم نفسك..انا متربيه عدل..
فيصل بضحكه وترتني:ههههه..لاتضحكيني وانا ماابي اضحك..
سارة:ليه انا قايله نكته..
فيصل:انتي بكبرك نكته..اسمعي زين طلعه من البيت مافيه سامعه..
سارة بالم:ليه انا طلعت..
فيصل بعصبيه:يمكن ليه لا..انا بسافر لمده شهرين..وين جوالك..
سارة:ليه؟؟
فيصل:لاني باخذه معاي..وغير كذا مراح يكون عندك جوال ولاتلفون ثابت..ممنوع الاتصال..سامعه..
سارة ببحه:انزين..
فيصل:شاطره..ولما اطلبك تردين..
سارة مستغربه:كيف تطلبني وانا معندي تلفون...
فيصل:متخافين انا مجهز..انتي بس لاتشغلين بالك..
سارة بالم:انزين..اترك يدي..
فيصل:والله بكيفي اترك يدك ولاتتأمرين علي مرة ثانيه..سامعه..
سارة بالم:أي..
ورماني في الكنب والتفت علي..
فيصل:بعد نصف ساعة أبي اغراضي جاهزه..سامعه..
سارة:..............
اقترب مني وشد شعري..فيصل(مدري اشتهيت امسك شعرها)ويصر باسنانه:سامعه..
سارة:ااي سامعه..
فيصل:شاطره..وطلع وطحت في نوبه بكى من الالم وقمت اجهز ملابسه وعطوره وجزماته(وانتوا بكرامه)حطيتهم في الشنطه...
وخذت جوالي وكتبت لامي رساله"هلاا يمه وحشتيني الرياض واهله..الجو هناك حلوو مرررة..يمكن راح نطول في شهر عسلنا يعني نزيد شهرين بعد..سلمي ع اخواتي وخالتي وخوالي كلهم..وبناتهم يلا سلاام"
ورست الرساله قبل مايجي وياخذ الجوال..وبعد كم دقيقة.. فيصـل وهو يفتح الباب:خلصتي ولا..
سارة ببحه :أي خلصت..
فيصل:وين جوالك؟؟
مديت الجوال له واخذه إلا رن جواله..
فيصل ابتسم:هلا قلبي..
سارة:؟؟؟؟؟
فيصل:ههههه فديتك بعد كم دقيقة بجيك انتي جهزي..
سارة(اكييد ذي حصة)..
فيصل:وانا بعد..يلا حبي اكلمك بعدين..
سارة بدون اهتمام:ذي حصة..
فيصل مستغرب:وانتي وش دراك انها حصة..
سارة:مايبي لها..مو انت مطلق حصة مرة وحده بس..ولا انا غلطانه..
فيصل:انا مقلت لحد اني مطلق حصة مرة وحده غير فهد بس..انتي كيف دريتي؟؟
سارة:مو لازم تدري..يبا سلم لي عليها..
فيصل(يعني متغار علي):يلا شيلي الاشناط..
سارة تخصرت:نعم!!وش حضرتك..
فيصل بنظرات حاده:شكلك تبين كف يعدل مزاجك عدل..هاه..
سارة خفت من كلامه وشلت الاشناط:بل ثقال مرة..
فيصل وهو يعدل شماغه:تصرفي..مو شغلي..
ونزلت الاشناط من الدرج بصعوبه..
فيصل(تكسر خاطري):عجلي يالعجوز..
سارة انقطع نفسي:داري..على عمرك..يااستاذ فيصل..ترى انت عجوز زي عمر ابوي...
فيصل:اخلصي..لاتااخريني..
حسيت بألم في بطني شديد.وقفت شوي..
فيصل التفت:وش فيك يالعجوز؟؟
محبيت ابين له ان بطني يعورني..
سارة:لابس يدي عرقت..و...
قاطعني وهو يمسك الشنطه:هاتي بس اشوفك انتي ألي عجزتي..واقترب يم الباب..
فيصل:أي لاتنسين اكلي زين وجهك صاير اصفر..لو شافتك امي وش بتقول..بخيل..البيت ابيه مرتب ونظيف سامعه..
هزيت راسي بنعم..وطلع..رحت بسرعة للمطبخ..واكلت معكرونه بالباشميل بسررعة من الجوع..
سارة:حتى في الاكل مانعني..حشى..في كل شيء يدقق علي....
وشرقت من السرعة واخذت كوب مويه<<محسيت بألي يطالع فيني ويضحك..
وسمعت صوت خفت والتفت بسرعة...سارة بخوف:في احد هنا؟؟ وسمعت صوت صغير..مكان واضح بس كنا يقول سارة..خفت وعلى طول رحت لدرج وطلعت سكين..
فيصل(هههههه اثرها خوافه..خلني ألعب عليها احسن..ابي اشوفها وش بتسوي)وانظفت الانوار في المطبخ بس..
سارة وانا ابكي:من هنا.."وانا امد السكين"من هنا؟؟ وسمعت صوت قزاز ينكسر من خلفي..
فيصل(اروح ابدل ثيابي احسن لي على ماتكتشف..)رحت افتش بخوف بس ملقيت حد..ولعت النور..
سارة بخوف وبكى:يمكن اتوهم..اي يتهيئ لي لاني مكلت منيح..مشان هيك.. ورحت اشيل الاطباق وحطيتهم في الحوض وانطفت الانوار مرة ثانيه خفت اكثر ألتفت وملقيت حد..بكيت حيل..لاتلوموني..خفت يصير فيني شيء لاسمع الله..سمعت صوت مرة ثانيه يقول سارة سارة..سارة
سارة بصراخ وبين دموعي:من انت؟؟وش تبي؟؟
ومارد علي ألتفت يمين ويسار ملقيت حد وطلعت من المطبخ بحذر والسكين بيدي اليسار..
فيصل(ههههه والله انها نكته)وبصوت مرعب وهمس:ساره..ساره..
سارةوانا ابكي:اهئ..قل اعوذ برب الفلق من شر ماخلق.. وانرقع باب المطبخ بقووه..وانا خلاص بكيت بصوت عالي زي الاطفال:ااه..اه اهئ..
فيصل ماسك ضحكته:ساره!!وش فيك؟؟
التفت وشفت فيصل طاحت السكينه من يدي وعلى طول ركضت له ودفنت راسي بصدره..وانا ابكي بقووه..
فيصل وهو يشد على ويقربني من صدره:وش فيك؟؟
سارة وانا في حضنه واشهق من البكى:اهئ..فيه..فيه..اهئ..اهئ..جني في البيت..
فيصل(والله انها بزره وربي بزه)وهو يمسح شعري:خلاص انا احين هنا..
سارة بشهقه:لاتروح فيصل...لاتخليني في البيت بروحي.البيت.يخوف

فيصل(قلبي مو مطاوعني اخليك في البيت بل حالك بس...)وهو يبعدني عنه ويحط يده على كتفي:لامتخافين..مافيه جني في البيت..يمكن انتي تتوهمين..
سارة باندفاع:لاوالله..كان يقول لي ساره ساره..والله متوهم..
فيصل وهو ماسك ضحكته:................
كملت:والله انا في البدايه قلت يمكن اتوهم بس...لا انا متوهم كان يعيد لي ساره ساره..
فيصل ابتسم:يعني زي كذا"بصوت مرعب وهمس"ساره...ساره...
سارةبأندفاع:أي..اي.."استوعبيت"يعني انت ألي كنت...... قاطعني:هههههه..والله انك..ههههه..
سارة وانا اطق ايده:انا اوريك..
فيصل:هههههه..
سارة(يازينه ويازين ضحكته والله اني امووت فيك..اعشقك يافيصل..اعشقك)وانا امسح دموعي:انت وش جيبك هنا..روح لاتتأخر على المدام..
فيصل ابتسم بسمه اسرت قلبي:أي..انا جيت عشان اغير ملابسي...وشفتك تاكلين..اسمعي لاتاكلين واجد ..ان رجعت من استراليا وشفتك متنانه ياويلك"ومسك يدي"يلا قيسي وزنك اشوف..يلا..
ساره ابتسمت:لاانت مو صاحي..صح..
فيصل بجديه:إلا صاحي يلا اشوف وقيسي وزنك..
سارة وانا اقيس وشهقت:ول حرام عليك ضعفت مره..ابي امتن شوي... فيصل:لاوزنك كذا تمام..
سارة:حراام عليك 40 مو حلو كني..كني..ابي امتن لو 5كيلو...
فيصل بعناد:انا قلت لا..وبعدين كم وزنك قبل الزواج..
سارة:50 واحين40..لافيصل ابي ازيد..
فيصل(ول والله واجد قطت 10كيلو مو شويه) يهدد:زيدي وشوفي وش بيصير لك؟؟
ساره كفت يدي:ياسلاام...والله ذه جسمي وانا حره فيه..
فيصل:وانا بشوف جسمك وتلوع كبدي..
ساره شهقت:يعني جسمي يوم خذتني كنت متينه..
فيصل(إلا جنااان زي احين..):أي كنتي متينه..
سارة مديت بوزي:ابي امتن مالي شغل..
فيصل وهو يلبس نظارته الشمسيه:لايكثر انا قلت لايعني..لا..
سارة(يـــاعرب والله احبه وانا مجنونه فيه..شكله يهبل بنظاره)وطلع من البيت متصورت اني خلاص مراح اشوفه لمده شهرين..كنهم سنتين باكملها.

وبعد مرور شهرين واسبوع..وحدث اشياء واجد انا معرفت فيها إلا متاخر..
كان الشهرين ذول اطول واتعس ايام حياتي..تخيلوا نفسكم مكاني...بيت كبير ومايسكن فيه احد غيرك..والبودي غارد يحرصون الباب عشان ماتطلعين..ولا يدخل حرامي..ممنوع الاتصالات..ممنوع الاكثار من الاكل ..كل ألي تسوينه بس هو التنظيف والنوم والاكل لاغير والله طفششش..
رحت عند البودي غادر..سارة:مرحبا..هل اتصل فيصل؟؟
البودي غارد:لاسيدتي..لم يدق ولامرة؟؟
سارة اتحلطم:صدق انه نذل حتى لوكان مستانس مع هل الحصة على الاقل يدق ويطمن علي...حيه ولا ميته...
البودي غارد:عفوا..أنا لاافهم الكلام السعودي...
سارة:هلا اتصلت بالسيد فيصل ضروري؟؟
البودي غارد:حسنا...دقيقه من فضلك..ودق عليه من جواله وعطاني اياه..
فيصل:نعم..
سارة(اشتقت لك يابعد كلي..)بنعومه عفويه:هلافيصل..
فيصل(حيااا الله بها الصوت..للك وحشه)بجفاء:خير بغيتي شيء؟؟
سارة(بل على الاقل جاملني قول لي كلمه حلوه):أي متى ترجع..انت قلت شهرين بس مو اسبوع بعد...
فيصل:ليه اشتقتي لي؟؟
سارة(والله حدي مشتاقه لك ابي اضمك بصدري بقووة):لامن زينك..زهقت من البيت..
فيصل:والمطلوب...
ساره:ابي اروح بيت اهلي..
فيصل:ههههه كثري منها..
ساره:حرام عليك يافيصل والله زهقت من البيت..زهقت بطت كبدي..
فيصل:احسن..انا ابي كبدك ينبط..
ساره بصوت باكي:خلاص انت ألي جنيت على نفسك..
حصه بمياعه:حبيبي من تكلم؟؟
فيصل:اكلم فهد يابعد قلبي انتي..
من سمعت صوتها وانا خلاص مقدرت اتمالك نفسي..
سارة بغيره واضحه:أي هذا ألي فالح فيه بس..
وفيصل مو معبرني قاعد يتكلم مع حصة وحاطني على جنب كنه يتقصد هل حركه كنه يقول سمعي..
ساره بقهر:هي انت..انا قاعده اتكلم..
وفيصل مو معبرني قاعد يتغزل بحصة..سكرت السماعه من القهر وعطيته البودي غارد وانا ابكي..
البودي غارد:ماذا بك سيدي؟؟هل انتي مريضه؟؟
سارة بصوت باكي:انا سوفى انتحرر..وركضت لغرفتي..
في استراليا..
فيصل(هههههه انا اعلمك ياساره..تستاهلين ألي يصير فيك..انتي لسه ماشفتي شيء)..
حصه تحط يدها على كتف فيصل:حبيبي انت تحبني انا ولا ساره؟؟
ورن جوال فيصل..فيصل:لحظه حصة..نعم..
البودي غارد بخوف:سيدي..السيده تقول بأنها سوفى تنتحر..
فيصل بخوف:ماذا قلت؟؟
البودي غارد:حاولت اللحاق بها ولكنها كانت اسرع مني واقفلت باب غرفتها..
فيصل بعصبيه:إذا اكسر الباب...إذا لجى الامر
حصه:وش فيك فيصل معصب؟؟
فيصل معطاه وجه وقام وطلع..فيصل(ذي انهبلت اكيد..يعني تبي تنتحر والله لنتحر من بعدك ياساره):طمني ماذا حدث؟؟
البودي غارد:انها لاتجيب..اني احاول..
فيصل مو مستوعب:ماذا تقول؟؟
ساره فتحت الباب وبحه:نعم ماذا تريد؟؟
فيصل سمعني:اعطني ياها..
البودي غارد وهو يمد جواله لي:تفضلي السيد يريدك..
ساره بدون اهتمام:اخبره اني لاأريد ان اتكلم معه..
فيصل سمع ألي قلته وعصب:اعطها السماعة بسررعة..
البودي غارد:حسنا"وهو يمد"السيد غضب جدا ارجوكي كلميه..
سارة وانا اخذ السماعه وبدون اهتمام:بغيت شيء؟؟
فيصل:...........
حصه بمياعه واضحه:قلبي فصولي وش فيك قمت؟؟
سارة بغيره واضحه:اقول روح لحبيبه قلبك"وهي تقلدها"قلبي فصولي وش فيك قمت..مالت عليك وعليها بس...داق عشان تسمعني صوتها..
فيصل(ادري انك تغارين علي..):اسمعي زين..ادري انك تغارين علي مرة وتحبيني مووت..بس انا محبك ولا اواطنك في عيشه الله..انا محبك ولااهتم فيك كانك حيه ميته ولا عايشه..ولاملاحظتي ليه انا من سافرت مدقيت عليك..لان صوتك نشاز يلوع الكبد..أنا ابي الفكه منك...والخلاصه من الكلام ذه كله..أن انا اكرهك..كرهت وجهك كرهتك كلك..ولان حبيبه قلبي حصه استانست قلت يمكن اطولها لـ3او4شهور..هو يعتمد على مزاجي..
كنا نكب على وجهي مويه مقدرت ارد عليه بكلمه وحده من الصدمه.. ساره:..............
فيصل بغرور:ماابي اضيع وقتي معاك..وسكر السماعه في وجهي.... عطيت الجوال البودي غارد وبهدوء دخلت وقعدت في الكنب وبلا شعور انزلت دموعي على خدي..كلامه كنه خناجر على قلبي..طحت في نوبه بكى..ومن التعب نمت..
بيت ابو جاسم...
صيته:متى راح ترد ساره من السفر..
فاطمه ابتسمت:شكل فيصل يحب ساره حيل لدرجه انه سفرها مره ثانيه..
ام جاسم:ليه هي سافرت مره ثانيه؟؟
فاطمه:أي...عمتي الهنوف تقول انها بيطولون في السفر وام فيصل وغادة يقولون انهم رجعوا وقعدوا يومين في الرياض وسفرها مباشره..
صيته:الله ياحظها..شكلها ساحره فيصل..
ام جاسم:ساحرته بجاملها وادبها ورقتها..مشاء الله عليها..
صيته:تتوقعون تغيرت ولا..
فاطمه:شكلها متنت لان امريكا مطاعمهم حلووه وكثير<<<يحسبونها راحت امريكا وهي فرنسا..
ام جاسم:وانتوا هذا فكركم بس..اكل..دقت نوف ولا..
فاطمه:أي دقت..تقول الجو حلو في ماليزيا..
صيته:نوف في ماليزيا وساره في امريكا..ياربي اتزوج واحد زي عبدالله ولا فيصل..
الكل:ههههههه..
ام جاسم:الله يسعدهم يارب..
فاطمه:حسافه مجات ساره عرس نوف..
صيته:ياليتها عرس نوف بس..إلا عرس اختها وقريبتها وداد...
ام جاسم:الله يكون فالعون بس..
فاطمه:لانها طولت في السفر عشان كذا تزوجوا من دون ماينتظرونها..
صيته:يمه عادي نروح بيت عمتي الهنوف...
ام جاسم:انا بروح اليوم مع عمتكم منيره..تبون تروحون تجهزوا بروح بعد صلاه العشاء مباشره..
صيته:حلوو..يلا انا بتجهز..
ام جاسم:ههههه..انعبوك توا الناس..
صيته:وين توا الناس..مبغى شيء على صلاه المغرب احين..
ام جاسم:عندنا حلى في الثلاجه ولا؟؟
فاطمه"وهي تفكر":امممم لامعتقد..بسوي انا احين...
بيت ابوحمد...
عند الساعه7:15...
الهنوف:يلا حنان رتبي المكان زين..
حنان:انزين يمه...وين رغد؟؟ابيها تساعدني..
الهنوف:يمكن تسبح..
حنان:اها..
الهنوف تتنهد:إن شاء الله تتزوجين انتي واختك..يارب..
حنان ابتسمت:ان شاء الله..
الهنوف:انتي احين ضعفتي شوي..مو ترجعين تاكلين..اي ابيك انتي وكريمة تسون حلى..عشان خالك سعود وابراهيم ومبارك ومحمد بيجون هم مع ازواجهم وعيالهم..
حنان:كلهم مرة وحده وش عندك..
الهنوف:أي عشان افتك مرة وحده..انتي تدرين من تزوجت ريم خذت شهر ولاعزمتهم..
حنان:أي والله معك حق..يعني العايله الكريمه بتجمع كلهم.."تتنهد"اشتقت لسارة حيل لها 3شهور وزياده مشفناها...
الهنوف تتنهد:وش نسوي بعد..
حنان:تصدقين يمه متوقعت سارة راح توافق ان حنا نسوي العرس وهي مو موجوده..
الهنوف:انا مثلك مصدق بس اهم شيء اني دقيت عليها وماردت ورسلت لها رساله..ان اختها ريم بتعرس ردت علي برساله..انها موافقه وقالت اهم شيء سعادتها وباركي لها<<<مسكينه ساره ماتدري عن أي شيء..

وراحت حنان تسوي الحلى مع كريمه وبعد نصف ساعة رن الجرس..
الهنوف تفتح الباب:هلااسعود..
سعود:هلابيك ياخيه..
الهنوف:حياك..
سعود:الله يحيك..انا جاي مع ابراهيم وعياله..
الهنوف وهي تاشر:حياهم..قول لهم يدخلون من الباب الثاني عند المجلس..
سعود ابتسم:ماشي..
وجاوا النساء..عيال خالاتي كلهم..
سارة بنت متعب:هلاابنات..
الكل:هلاا فيك..
عفراء:والله اشتقت لهل الجمعه..
ام عبدالله:الكل اشتاق..
ساره بنت مبارك وهي تتلفت:إلاوين ساره ماشفتها معاكم..
رغد:ماردت من السفر..
ساره بنت مبارك(لامصدق..المفروض يطلقها من شهرين..غريبه طولوا..)بابتسامه مزيفه:الله يوفقها..
ام حمد وهي واقفه:وياك يارب..
ام عبدالله:على وين ياأم حمد..
ام حمد:على المطبخ..
ام عبدالله وهي واقفه:اجل اساعدك..
ام جاسم:استنوني انا وياكم..
ام حمد:حياكم..
ودخلت نوف وبصوت عالي:هلاااا
الكل صارخوا:هلاااا نووف.. وطبوا عليها..
نوره:والله اشتقنالك مره يانوف..كنك متنتي شوي..
نوف وهي تلمس بطنها:أي والله..
الكل:هههههه...
ساره بنت متعب:حلو..ماليزيا صح..
حنان:وصفي لنا ماليزيا كيف هيا؟؟

نوف ابتسمت:من ناحيه حلوه هي حلوه..فيها مناظر بهيه وشلالات وانهار..والجو هناك مره حلوو..إلا وين عمتي الهنوف ابي اسلم عليها..
ساره بنت متعب بمزح:تصدقون عاد مكنت بجي اليوم إلا يوم قالت لي امي ان خالتي الهنوف بتسوي مفطح..
الكل:هههههه..
اسماء بمزح:وانا بعد زيك...
صيته بالمصري:لا دي كملت..
نوف:أي والله كملت..يلا لاتنسوني..بروح اسلم على امي وعمتي..واجيكم. وبعد كم دقايق جات ريم وانظمت لهم..امتنت شوي وقصت شعرها لين كتفها وصبغته بني محمر حلو عليها..
وفي المجلس...
ابو حمد:هلابيكم...توا منور المكان...
ابو عبدالله:بوجودك الله يسلمك..
ابراهيم:عسى ميكون كلفنا عليكم...ياابو حمد..
ابو حمد:لاكلافه ولاشيء..
بندر وهو داخل:السلام عليكم..
الكل:وعليكم السلام..
بندر وهو يبوس راس ابو حمد:هلاعمي اخبارك؟؟
ابو حمد ابتسم:زين الله يسلمك..حياك..
بندر:الله يحيك ويبغيك..اخبارك عبيد؟؟
عبدالله ولد مبارك وهو يغمز له:الحمدلله زين..وانت؟؟
الكل فهموا عبدالله وبندر وضحكوا..
بندر:هههه..الحمدلله..
ابو حمد:حمد روح شيك على العشاء
وفي المطبخ...
ام جمعان وهي تسلم:هلاا بيك ياام عبدالرحمن والله ملك شوفه..
ام عبدالرحمن:هلاا فيك..اخبارك زينه..
ام جمعان:زينه فديتك..حياك تعشي ويانا..
ام عبدالرحمن:لا الله يعافيكم..انا بس جيت عشان ابارك لام حمد..
ام حمد وهي تمسك يد ام عبدالرحمن:والله منتي طالعه إلا وانتي متعشيه..
ام عبدالرحمن:ليه حلفتي الله يصلحك بس..ابو عبدالرحمن مستنيني في سياره مع العيال..
ام حمد:قولي له يدخل ويتعشى وعيالك حياهم..
عبدالله ولد سعد:احم..في احد هنا..
تغطت ام عبدالرحمن..
ام جمعان:ادخل مهنا حد"وهي تمد له السلطة"في واجد ولا..
عبدالله:خير ياخاله..زي النمل مشاء الله..
ام حمد:حياهم الله..
حمد وهو ياخذ الشوربه:يمه ماتكفي 3سفرات نبي 5..
ام حمد:ان شاء الله"وهي تعطيه السفره"...
وكبوا الرز وكلوا...
ماجد وهو يقوم:الحمدلله..وراح المطبخ وشاف ملاك..
الاء وهي في التلفون:دحيم"قصدها عبدالرحمن"خير وش تبي..صدق انك عله..<<<ومنتبهت للي يطالع فيها بأعجاب..
ماجد(سبحان من صورها..من ذي)
الاء:هههههه كذاب ابوي قال كذا..انزين دقايق واطلع..سلام<<ماجد خلاص خق من ضحكتها ونعومتها..
ام عبدالرحمن:الاء وش تسوين هنا يلا لبسي عباتك بسرعة..
الاء:انزين يمه..
ماجد(اسمها الاء..والله غلطوا في حقها المفروض يسمونها ملاك مو الاء)
ام جمعان بهمس:وش تسوي هنا ياجليل الحيا..
ماجد شهق:يمه..أنا...أأأنااا...
ام جمعان:انت شنوا ياجليل الحيا..احين لو وحده من النساء دخلت وش بتسوي..
ماجد(اشوا ماكشفتني):أي عشان كذا انا اطل كان فيه حد ولا..بس طلع مافيه حد ولله الحمد...
ام جمعان:غسل يدك وبسرعة اطلع..ليشوفونك وتفشلنا..اصلا ليه جاي هنا كان رحت للجهه الثانيه ألي في المجلس مو هنا..
ماجد وعقله مو معه..عقله على الملاك ألي شافها...
بيت سارة وفيصل...
عند الساعه9:30..في المطبخ..
سارة وهي تفتح البراد:مدري وش اكل احين جوعانه.. واخذت تفاحه واكلتها وانا افتكر كلام فيصل..
ساره(انسي ياساره..المفروض انتي تفرحين يوم قال لك انه ميحبك عشان ماتتعلقين فيه اكثر..خليك عادي..ترى هو مستانس انك انتي زعلانه وطفشانه..انتي ياساره اثبتي له العكس انك سعيده بدونه)ابتسمت:أي صح انا لازم اثبت له..بس هو يدري ان انا احبه..انا غبيه لي قلت له اني احبه..مالت علي بس..لو قال لي انه يحبني بقول له لا وبنكره... وقعدت عند اللاب دخلت على المسنجر بتاعي...
وشفت وداد داخله..
وقعدت اتكلم معها وقالت لي انها تزوجت هي مع اختي ريم..ساره"هين يافيصل يعني انت ألي راسل لهم اني انا موافقه انهم يسون العرس وانا مسافره..هين"
كلي غرور:نسيتي..انتي راسله لي ان..
ميساء قاطعتها:حبي اكلمك بعدين جاء فيصل..دخلي الساعه 8 ان قدرتي سلام
وطلعت من المسن..وسكرت اللاب ورحت فوق ولبست بجامتي لنوم.. واستلقيت على الكنب..
ساره:يووه الكنب يتعب..بنام على السرير طالم هو مو في البيت..ورحت استلقيت على السرير..وانبعثت من الوساده ريحه فيصل..اخذت الوساده ولميتها في صدري بقووة وانزلت دموعي يوم تذكرت كلامه..مقدرت امنع نفسي من البكى..ونفس الوقت اضحك وانا اتذكره يوم كنا في فرنسا عند البحر يوم نسوي السباق..كني مجنونه ابكي واضحك..
ساره:فيصل مقدرت انساك..اسمك محفور بقلبي..ألي اعرفه احين اني احبك وامووت فيك..كيف اخليك تحبني يافيصل..كيف؟؟؟
وتميت احاور نفسي لي مانعست..
صحيت الصبح الساعة9:10 خذت لي شور سريع..وعملت بف لشعري ولبست عدسات زرقاء وحطيت مكياج ناعم مره..ولبست الملابس ألي شرهم لي فيصل من فرنسي لبست تنورة قصيره لنصف الفخذ بلاك وتوب وردي كاشف من الصدر..وصندل عالي وردي

شكلي كان خيال مررره..ودخلت المسن على طول وشفت وداد داخله.. كلي غرور:صح النوم ياحلوو..
ميساء:هلاا وداد..آسفه تاخرت عليك..
كلي غرور:لاقلبي..اصلن انا توني داخله..
وجلست اتكلم..ومر الوقت بسرعه وهي تسألني كيف تخلي منصور يحبها ويتعلق فيها..ونصحتها نصايح مالها اول ولا تالي...وطلعت من المسن وجلست بالكنب ودقايق إلا التفت على الباب ينفتح بقوه...